"Milan"ın baş məşqçisi Stefano Pioli Milan klubundan "Nyukasl"a satılan yarımmüdafiəçi Sandro Tonalinin diskvalifikasiyasından danışıb. 

Matc.az xəbər verir ki, futbolçu mərc etdiyinə görə 10 ay futboldan uzaqlaşdırılıb. Əvvəllər Tonali etiraf etmişdi ki, o, "Milan" matçlarında iştirak etmədiyi halda onlara mərc edib. Çalışdırıcı açıqlamasında deyib: “Sandronun problemindən xəbərim yox idi. O, hörmətli, ağıllı adam idi. Bütün oyunçularla açıq münasibətim var. Təkcə futboldan danışmıram, amma meydandan kənarda baş verən hər şeyi bilmirəm. "Nyukasl" Tonali ilə müqavilə bağlayanda bu, yaxşı bir müqavilə idi. Bundan sonra baş verənləri heç kim gözləmirdi. Tonali həmişə çalışqanlıq nümayiş etdirib. Ümid edirəm ki, bu təcrübə onun üçün faydalı olacaq. O, geri dönməsini istəyirik. Onun taktiki və fiziki qabiliyyətlərini nəzərə alsaq buna qadirdir".

Xatırladaq ki, oktyabrın 27-də "Nyukasl" FİFA-nın oyunçunu bütün rəqabət xarakterli yarışlarda iştirakdan kənarlaşdırmaq üçün FIGC sanksiyalarını təsdiqlədiyinə dair təsdiq aldı. Bu o deməkdir ki, Sandro 27 avqust 2024-cü ildə rəqabətli futbola qayıda biləcək.