“Qarabağ”ın prezidenti Tahir Gözəl komandanı tarixi uğur münasibətilə təbrik edib. Matc.az xəbər verir ki, klub rəhbəri Avropa Liqasının qrup mərhələsinin VI turunda İsveçin “Hekken” ilə qarşılaşmadan sonra bunu dəyərləndirib.

O, 2:1 hesabı ilə qalib gələrək turnirin pley-off mərhələsinə yüksələn komandanın çıxışını yüksək qiymətləndirib. Tahir Gözəl Azərbaycan futbol tarixində ilk dəfə bunu reallaşdıran “köhlən atlar”ın nailiyyətini yüksək qiymətləndirdiyini vurğulayıb.

Prezident bu uğurda Qarabağ ruhunun, birliyinin başlıca rol oynadığını deyib.

Qeyd edək ki, dekabrın 18-də İsveçrənin Nyon şəhərində təşkil olunacaq pley-off mərhələsinin püşkatma mərasimində Tahir Gözəl iştirak edəcək.