"Brügge"nin hücumçusu Ferran Judjla Türkiyə Super Liqasında çıxış edə bilər.

Matc.az "Takvim" nəşrinə istinadən xəbər verir ki, "Beşiktaş" ispaniyalı futbolçunu transfer etmək istəyir.

İstanbul klubunun futbol direktoru Eduard Qraf Judjlanın meneceri ilə görüşüb. "Beşiktaş" transferlə bağlı Belçika klubu ilə danışıqlara başlayacaq.

Qeyd edək ki, "Brügge" Ferran Judjlanı 2022-ci ilin yayında "Barselona"dan transfer edib. 26 yaşlı forvard bu mövsüm komandanın heyətində keçirdiyi 52 oyunda 13 qol vurub, 6 qol ötürməsi edib.