"Lill"in bombardiri Conatan Devid mövsümün sonunda komandadan ayrılacağını açıqlayıb.

Matc.az xəbər verir ki, 25 yaşlı kanadalı hücumçu bu qərarını sosial şəbəkə hesabında paylaşıb.

Devidin fransız klubu ilə müqaviləsi 2025-ci il iyunun 30-da başa çatır.

Qeyd edək ki, cari mövsümdə 48 matçda 25 qol və 12 məhsuldar ötürmə edən forvardla bir sıra Avropa klublarının maraqlandığı bildirilir. "Transfermarkt" portalında futbolçunun dəyəri 45 milyon avrodur.