Yunanıstan "Olimpiakos"unun daha bir futbolçusu "Qarabağ"a qarşı keçiriləcək Avropa Liqasının qrup mərhələsinin 3-cü tur oyununu buraxacaq

Yunanıstan "Olimpiakos"unun daha bir futbolçusu "Qarabağ"a qarşı keçiriləcək Avropa Liqasının qrup mərhələsinin 3-cü tur oyununu buraxacaq. Matc.az Yunanıstan mətbuatına istinadən xəbər verir ki, bud əzələsindəki zədədən əziyyət çəkən Usseynu Ba ötən gün tibbi müayinədən keçib. Həkimlər ona ən azı 10 gün istirahət etməyi tapşırıb.
 
Bu səbəbdən, Pirey təmsilçisinin heyətində zədəli futbolçuların sayı 3-ə çatıb. Daha əvvəl digər müdafiəçi Panayotis Retsos və qapıçı Tomaş Vatslikin "köhlən atlar"a qarşı oynamayacağı məlum olub.
 
Oktyabrın 6-da "Georgios Karaiskakis" stadionunda keçiriləcək "Olimpiakos" – "Qarabağ" matçı saat 23:00-da başlayacaq.

XƏBƏRİ PAYLAŞ
  • gplus
  • pinterest