18 Avqust 2020, 21:51
ÇEMPİONLAR LİQASI

Bu gün futbol üzrə UEFA çempionlar Liqasında 2020/21 mövsümünün 1-ci təsnifat mərhələsinə start verilib.
 
Matc.az xəbər verir ki, son Azərbaycan çempionu "Qarabağ" da mübarizəyə bu mərhələdən başlayıb.
 
Ağdam təmsilçisi 1-ci təsnifat mərhələsində Şimali Makedoniyanın "Sileks" klubu ilə qarşılaşıb. Tofiq Bəhramov adına Respublika stadionunda keçirilən oyunu Ukraynadan olan hakimlər briqadası idarə edib. Qarşılaşma isə Ağdam təmsilçisinin qələbəsiylə yekunlaşıb.
 
Təsnifat mərhələsində komandalar cütün qalibini bir oyunda müəyyənləşdirirlər. "Qarabağ" da "Sileks"i məğlub etməklə növbəti mərhələyə vəsiqə qazanıb. Ağdam klubu növbəti 2-ci təsnifat mərhələsində "Şerif" (Moldova) – "Fola Eş" (Lüksemburq) cütünün qalibi ilə qarşılaşacaq.
 
UEFA çempionlar Liqası
1-ci təsnifat mərhələsi
18 avqust
 
Qarabağ – Sileks 4:0
Qol: X.Romero, 11. D.Gerye, 40; 51. M.Emreli, 80.
Baş hakim: Yaroslav Kozık (Ukrayna).
Tofiq Bəhramov adına Respublika stadionu.
 
Qarabağ: 1. Şahruddin Məhəmmədəliyev, 5. Maksim Medvedev, 8. Uroş Matiç, 9. Xayme Romero, 11. Mahir Emreli, 17. Abdullah Zubir, 18. İsmayıl İbrahimli, 19. Filip Ozobiç, 55. Bədavi Hüseynov, 77. Donald Gerye, 81. Kevin Medina.
Ehtiyat oyunçular: 12. Emil Balayev, 21. Rauf Hüseynli, 27. Ovusu Kvabena, 30. Abbas Hüseynov, 44. Elvin Cəfərquliyev, 71. Toral Bayramov, 99. Ruslan Hacıyev.
Baş məşqçi: Qurban Qurbanov.
Sileks: 1. Daniel Bojinovski, 5. Srdan Draşkoviç, 6. Hristiyan Qrozdanoski, 7. İvan İvanovski, 14. Pepi Georgiyev, 16. Viktor Serafimovski, 17. Burhan Mustafov, 20. Denis Ristov, 22. Angelçe Timovski, 26. Daniel Karçeski, 27. Deyan Tanturovski.
Ehtiyat oyunçular: 25. Qoran Traykovski, 8. Boyan Şpirkoski, 9. Stefan Duriç, 10. Miloş Jeraviça, 11. Kristiyan Kostovski, 23. Filip Kostovski, 28. Andrey Kirovski.
Məşqçi: Draqan İvanov.

XƏBƏRİ PAYLAŞ
  • gplus
  • pinterest