10 Mart 2021, 13:05
ÇEMPİONLAR LİQASI

Futbol üzrə UEFA çempionlar Liqasının 1/8 final mərhələsinin Portuqaliya "Portu"su ilə oyunları İtaliyanın "Yuventus" klubu ilə yanaşı, Kristiano Ronaldo üçün də uğursuz alınıb.
 
Matc.az xəbər verir ki, "Qızıl top"un beşqat sahibi olan Portuqaliya yığmasının üzvü 2021-ci ildə pley-off-un iki matçında fərqlənə bilməyib.
 
36 yaşlı futbolçu 2005-ci ildən bəri ilk dəfə analoji passivliklə yadda qalıb. Həmin vaxt o, "Mançester Yunayted"in heyətində çıxış edəndə də adını fərqlənənlər siyahısına yazdıra bilməmişdi.
 
Ronaldo 2006-cı ildə çempionlar Liqasının pley-off-unda oynamayıb. O, bundan sonra hər il analoji matçlarda qollar vurmağa nail olub.
 
Qeyd edək ki, ilk oyunda 1:2 hesabıyla uduzan "Yuventus" cavab matçında 3:2 hesabı ilə qələbə qazansa da, iki görüşün nəticəsinə əsasən, səfərdə daha çox qol vuran "Portu" mərhələ adlayan tərəf olub.
 

XƏBƏRİ PAYLAŞ
  • gplus
  • pinterest