Kristiano Ronaldo daha bir rekorda imza atıb.

Matc.az xəbər verir ki, bu barədə Beynəlxalq Futbol Tarixi və Statistikaları Federasiyasının rəsmi saytı məlumat yayıb. Portuqaliyalı "Əl-Nəsir"ın hücumçusu Kristiano Ronaldo tarixdə peşəkar səviyyədə məğlubiyyətsiz 1000 matç keçirən ilk futbolçu olub. Rekord Asiya çempionlar Liqasının qrup mərhələsinin ilk turunda "Əl-Nəsir"in İranın "Persepolis" klubunu məğlub etdiyi zaman qeydə alınıb. Portuqaliyalı karyerası ərzində 776 qələbə qazanıb və heç-heçə ilə bitən 224 oyun keçirib.

Xatırladaq ki, Ronaldo 2023-cü ildən "Əl-Nəsir"də çıxış edir və onun klubla müqaviləsi 2025-ci ilə qədərdir. Bu mövsüm futbolçu müxtəlif turnirlərdə səkkiz matçda iştirak edib, doqquz qol və beş məhsuldar ötürmə ilə yadda qalıb.