Barselona İstintaq Məhkəməsinin rəhbəri Xoakin Agirre İspaniya Kral Futbol Federasiyasının (RFEF) texniki komitəsinin (CTA) keçmiş vitse-prezidenti Xose Mariya Henrikes Neqreyranın işi üzrə "Barselona"nın prezidenti Joan Laportanı rüşvətxorluqda ittiham edib.

Matc.az xəbər verir ki, bu barədə yerli mətbuat məlumat yayıb. "Barselona" daha əvvəl hakimlər haqqında iddia edilən hesabatlara görə 2001-2018-ci illər arasında Neqreyranın şirkətlərinə 7 milyon avrodan çox pul ödəməklə qanunu pozmaqda ittiham edilmişdi. İttihamlar digərləri ilə yanaşı, "Barselona"nın keçmiş prezidentləri Xosep Bartomeu və Sandro Roselə, həmçinin Neqreyra və oğlu Xavyerə qarşı irəli sürülüb. 2003-2010-cu illərdə prezident kimi ilk müddətində "Barselona"ya rəhbərlik edən Laportanın məhdudiyyət müddətinə görə təqibdən qaçacağı gözlənilirdi. Bununla belə, məhkəmə iddia müddətinin bitmədiyinə qərar Verdi. çünki geriyə sayma Neqreyraya son ödənişin edildiyi 2018-ci ildən başlamalıdır.