19 Oktyabr 2023, 13:18
FUTBOL

MLS-də çıxış edən futbolçuların illik qazancları açıqlanıb. Matc.az xəbər verir ki, MLS Oyunçular Assosiasiyası bununla bağlı araşdırma aparıb.
 
Məlum olub ki, "İnter Mayami"nin kapitanı Lionel Messi MLS tarixinin rekordçusudu. Argentinalının illik maaşı 12 milyon dollar, zəmanətli təzminatı isə 20,4 milyon dollardı. Zəmanətli kompensasiyaya onun maaşı, imza və oyun bonusları daxildi. Bu məbləğlərə "Adidas" və "Apple TV"dən əldə edilən ödənişlər daxil deyil. Bunları da nəzərə alsaq, Messinin illik gəliri 50-60 milyon dollar təşkil edir.
 
Liqanın ən yüksək maaş alan ikinci oyunçusu "Toronto"nun yarımmüdafiəçisi Lorenzo İnsinyedi. Onun məvacibi 7,5 milyon, zəmanətli təzminatı isə 15,4 milyon dollardı. üçüncü yerdə "çikaqo Fayr"ın yarımmüdafiəçisi Xerdan Şakiri (7,35 milyon dollar - 8,153 milyon dollar) qərarlaşıb.
Serxio Busketsin "İnter Mayami"də maaşı 1,5 milyon dollar, Xordi Albada isə 1,25 milyon dollardı.

XƏBƏRİ PAYLAŞ
  • gplus
  • pinterest