"Barselona"nın idman direktoru Deko hücumçu Lionel Messinin mümkün qayıdışı ilə bağlı şayiələrə münasibət bildirib.

Matc.az xəbər verir ki, klub rəsmisi bu barədə yerli mətbuata açıqlama verib: "Mən Leo ilə uzun müddətdir dostam. Onun ABŞ-a köçməsi məsələsi çoxdan planlaşdırılıb. Messi uzun müddətdir ki, bu ideyadan danışır. Dəyişən PSJ-dəki o iki ildir. Bəlkə də "Barselona"da iki il olmalı idi. Mən o vaxt müqavilənin uzadılması danışıqlarında iştirak etməmişdim. Aydındır ki, Messi klub tarixinin ən vacib kumirlərindən biridir. O, indi xoşbəxtdir. "Barselona"ya qayıdarmı, bilmirəm. Messi heyrətamizdir, çünki o, futbol tarixinin ən yaxşı oyunçusudur. Amma hər şey belə oldu və onun indi xoşbəxt olduğunu görə bilərsiniz".

Qeyd edək ki, Lionel Messi 2023-cü ilin iyulunda azad agent kimi "İnter"ə keçdi. Onun Amerika klubu ilə müqaviləsi 31 dekabr 2025-ci ilə qədərdir. Transfermarkt portalı 36 yaşlı futbolçunun bazar dəyərini 35 milyon avro olaraq qiymətləndirir.Messi 2000-2021-ci illərdə "Barselona"da çıxış edib. Argentinalı orada 778 oyun keçirib, 672 qol vurub və 303 məhsuldar ötürmə edib. Kataloniya təmsilçisi ilə birlikdə argentinalı dörd dəfə çempionlar Liqasının qalibi olub.