03 Noyabr 2023, 12:07
FUTBOL

"Roma"nın keçmiş futbolçusu Françesko Totti paytaxt klubuna qayıtmaq istədiyini dilə gətirib. Matc.az xəbər verir ki, o, "canavarlar"ın baş məşqçisi Joze Mourinyodan söz açıb:
 
"Bəli, "Roma"ya geri dönmək istəyirəm. Açığı Joze ilə birlikdə işləmək xoş olardı. O, bir nömrəli məşqçidir. Mourinyoya hörmətim çoxdur. Karyeram ərzində onunla birlikdə çalışmadığım üçün peşmanam. "Roma"da köməyə ehtiyac olarsa, mən hazıram".
 
Totti Roma təmsilçisi ilə bağlı xatirələrini də bölüşüb:
 
"Roma"ya aid hər şeydən darıxıram. Atmosfer, paltardəyişmə otağı, formalarımız və s. "Roma" həyatımın ayrılmaz parçası idi. Komanda yoldaşlarımla barda əylənirdik, qəhvə içirdik, stadiona avtobusla yollanırdıq...Uzun müddətdir mənə görə əvəzedilməz olan bir yer üçün necə darıxdığımı təsəvvür edin".
 
İtaliya millisinin sabiq üzvü Françesko klub karyerasını yalnız "Roma"da keçirib. O, 1993-cü ildən 2017-ci ilə qədər "canavarlar"ın formasını geyinib. Totti bu müddətdə 785 oyuna çıxıb, 307 qol vurub və 209 məhsuldar ötürmə edib.

XƏBƏRİ PAYLAŞ
  • gplus
  • pinterest