03 Noyabr 2023, 15:26
FUTBOL

"AFFA bu il dünya səviyyəsində addımlar atıb, Premyer Liqa ilə yanaşı, I Liqa, II Liqa, Region Liqası yaradıb". Bunu matc.az saytına açıqlamasında Azərbaycan millisinin sabiq futbolçusu Saşa Yunisoğlu açıqlayıb.
 
O bildirib ki, turnirlərin idman prinsiplərinə uyğun keçirilməsi vacib rol oynayır: "Normal futbol ölkələrdəki kimi, hər liqanın qalibi bir pillə yuxarı qalxır, sonuncu yeri tutan isə aşağı düşür. Üstəlik, bütün oyunlarda çəkiliş olur və PFL-in rəsmi saytı vasitəsilə canlı göstərilir. Aşağı liqalarda da maraqlı matçlar izləmək imkanımız var".
 
"Sabah" klubunun rəsmisi II Liqada keçmiş futbolçuların oynadığını vurğulayıb. Yunisoğlu hətta özü də təklif aldığını gizlətməyib: "Bu, çox maraqlıdır. Onlara görə sevinirəm. Çünki keçmişi hazırlamaq imkanları var. Açığı mənə da təkliflər var. Amma 32 yaşımda zədələrə görə futbolla vidalaşandan sonra həmin xroniki zədələr davam edir. Ona görə də, təkliflərə "yox" deyirəm. İndi bütün fikirimi məşqçiliyə yönəltmişəm. Sağ olsun "Sabah" rəhbərliyi, məni tam dəstəkləyir və hərtərəfli köməklik edir".

XƏBƏRİ PAYLAŞ
  • gplus
  • pinterest