“Barselona” maliyyə problemlərini yüngülləşdirmək üçün səylərini davam etdirir.

Mat.az xəbər verrirr ki, klub hər fürsətdən pul qazanmağa çalışır. Bu barədə yerli mətbuat məlumat yayıb. Bazar ertəsi səhər Kataloniya təmsilçisinin onlayn mağazasında bir sıra yeni əşyalar peyda olub. O cümlədən 79,99 avroya futbol qapısı torları, 419,99 avroya çərçivəli qazon parçaları, 1000 avroya qızıl “Camp Nou” boyunbağı və 699 avroya qızıl nişan buna misaldır. Bununla belə, ən çox təəccübləndirən almazlar olub. Yarım karatlıq almaz 2,5 min avroya satılıb. Bir karatlıq almaz isə alıcıya 15 min avroya başa gəlib. “Barselona” deyir ki, hər bir almaz “Camp Nou” stadionunda otların karbonlaşmasından əldə edilən karbondan hazırlanır.