07 Noyabr 2023, 18:37
FUTBOL

Braziliya və Rusiya yığmaları arasında yoldaşlıq görüşü keçirilə bilər. Matc.az xəbər verir ki, bunu Braziliyanın Rusiyadakı səfiri Rodriqo de Lima Baena Soareş deyib.
 
O, iki komanda arasında qarşılaşmanın baş tutma ehtimalını Braziliya Futbol Konfederasiyası ilə müzakirə etməyin vacib olduğunu bildirib:
 
“Bizim futbol assosiasiyamız var. Yoldaşlıq görüşünün mümkün olub-olmadığını onlarla müzakirə etməliyik. Əvvəlki illərdə Rusiya millisi ilə çoxlu oyunlarımız olub. Rusiya dünya çempionatına çox yaxşı ev sahibliyi etdi. Mən təkcə Moskvada deyil, Sankt-Peterburqda da bir çox matçlarda olmuşam. Rusiyada çıxış edən çoxlu braziliyalı futbolçularımız var ki, onlarla fəxr edirik”.
 
Qeyd edək ki, Braziliya və Rusiya yığmaları sonuncu dəfə 2018-ci il martın 23-də Moskvada yoldaşlıq görüşündə üz-üzə gəlib, görüş braziliyalıların 3:0 hesablı qələbəsi ilə yekunlaşıb.

XƏBƏRİ PAYLAŞ
  • gplus
  • pinterest