"Real" gələn yay PSJ-nin hücumçusu Kilian Mbappeni transfer etmək planlarından imtina edib.

Matc.az xəbər verir ki, bu barədə yerli mətbuat məlumat yayıb. Madrid klubu bu qərarı idman, iqtisadi və sosial səbəblərdən verib. Mbappenin Paris klubu ilə müqaviləsi 2024-cü ilin yayında başa çatacaq. "Real" fransalı futbolçunu azad agent kimi imzalasa, klub ona 30 milyon avro imza bonusu ödəməli olacaq ki, bu da komandanın büdcəsinə təsir edəcək. Bundan əlavə, komanda gələn il 25 yaşı tamam olacaq Mbappenin transferinin çox gənc oyunçuları almaq istəyən klubun strategiyasına uyğun gəlmədiyi qənaətindədirlər. "Real" rəhbərliyi inanır ki, futbolçu kluba keçməkdən imtina etdikdən və PSJ ilə müqaviləsini uzatdıqdan sonra Mbappenin gəlişi artıq azarkeşlər tərəfindən o qədər də yaxşı qarşılanmır.