Azərbaycan Kubokunda 1/8 final mərhələsi davam edir. Matc.az xəbər verir ki, bu gün daha iki oyunu keçirilib.

Əvvəlcə “Səbail” ötən mövsüm elitanı tərk edən “Şamaxı”nı sınağa çəkib. Qarşılaşma Premyer Liqa komandasının böyükhesablı qələbəsi ilə yekunlaşıb. Şahin Diniyevin yetirmələri 6 cavabsız qolla 1/4 finala adlayıb.

Ardından Premyer Liqa klubları üz-üzə gəliblər. Belə ki, “Zirə” “Turan Tovuz”u qəbul edib. Bakı təmsilçisi 0:1 geridə olsa da, 2:1 hesablı əzmkar qələbə qazanıb. Komanda 1/4 finalda "Səbail"ə rəqib olub.  

Qeyd edək ki, buna qədər “Sabah”, “Sumqayıt”, “Araz-Naxçıvan” və “Qəbələ” 1/4 finala adlayıb. Sabah isə “Qarabağ” - MOİK və “Neftçi” – “Qaradağ Lökbatan” oyunları keçiriləcək.

Azərbaycan Kuboku
1/8 final
20 dekabr

14:00. “Səbail” – “Şamaxı” 6:0
Qollar: Amil Yunanov, 23 (pen.), 45, Pedro Nuno, 50, Rüfət Abdullazadə, 56, 80, Adi Mehremiç, 90+2
Hakimlər: Tural Qurbanov, Rahil Ramazanov, Zöhrab Abbasov, Rövşən Rəcəbov
“ASCO Arena”

17:00. “Zirə” – “Turan Tovuz” 2:1 

Qol: Felipe, 82, Rüstəm Əhmədzadə, 88 -  Otto Con, 4 

Hakimlər: İnqilab Məmmədov, Müslüm Əliyev, Rəhman İmami, Rəvan Həmzəzadə
Zirə İdman Kompleksinin stadionu