Bu gün Azərbaycan Kubokunda 1/8 final mərhələsinə yekun vurulub. Matc.az xəbər verir ki, son gündə iki oyun keçirilib.

Günün ilk qarşılaşması Xankəndidə keçirilib. “Qarabağ” MOİK-i Xankəndi şəhər stadionunda qəbul edib. Bununla 1993-cü ildən sonra işğaldan azad olunmuş ərazilərdə ilk futbol oyunu baş tutub. Matçın taleyini 1 qol həll edib. Nəriman Axundzadənin son dəqiqə qolu ağdamlıları 1/4 finala daşıyıb. Qurban Qurbanovun kollektivi növbəti raundda “Sabah”la üz-üzə gələcək.

1/8 final “Neftçi Arena”da baş tutacaq “Neftçi” - “Qaradağ Lökbatan” oyunu ilə yekunlaşıb. "Ağ-qaralar" rəqibini 4:0 hesabı ilə darmadağın edərək növbəti raundda "Sumqayıt"a rəqib olub. 

Qeyd edək ki, mərhələnin əvvəlki matçlarından sonra 1/4 finalda “Səbail” - “Zirə”, “Araz-Naxçıvan” - “Qəbələ” cütləri formalaşıb.

Azərbaycan Kuboku
1/8 final
21 dekabr

14:00. “Qarabağ” – MOİK - 1:0

Qol: Nəriman Axundzadə, 90+3

“Qarabağ”: 23. Luka Quqeşaşvili, 2. Mateus Silva, 13. Bəhlul Mustafazadə (k), 4. Rahil Məmmədov, 44. Elvin Cəfərquliyev, 8. Marko Yankoviç, 20. Riçard Almeyda, 90. Nəriman Axundzadə, 19. Redon Cica, 17. Hamidu Keyta, 18. Juninyo

Ehtiyat oyunçular: 99. Andrey Lunyov, 89. Amin Ramazanov, 55. Bədavi Hüseynov, 29. Marko Veşovic, 27. Toral Bayramov, 30. Abbas Hüseynov, 6. Julio Romao, 66. Patrik Andrade, 7 Yassin Benzia, 10. Abdullah Zubir, 15. Leandro Andrade, 11. Adama Diakabi

Baş məşqçi: Qurban Qurbanov

MOİK: 1. Zeynal Əhmədzadə, 97. Fərid Abbaslı, 3. Nicat Əskərov, 20. Nurlan Bayramov, 4. Ülvi İbazadə, 6. İsa Zeynallı (k), 8. Ramil Orucov, 10. Xəyal Bədirov, 11. Elvin Vəliyev, 77. Elmir Rəhimzadə, 17. Sabir Allahquliyev

Ehtiyat oyunçular: 12. Ayxan Qocayev, 35. Məhəmməd Qurbanov, 27. Nihad Ağayev, 38. Həsrət Mürsəlov, 9. Cavidan Abbaszadə, 44. Samir İbrahimov, 33. Raul Musayev, 30 Murad Musayev, 26. Elşən Veysov, 66. Elçin Bayramov

Baş məşqçi: Qəzənfər Abbasov

18:00. “Neftçi” – “Qaradağ Lökbatan” 4:0 
Qol: Olanare, 23, Murad Qayalı, 73 (ö.q), Boqomolski, 78, Şinyaşiki, 81

"Neftçi": 93. Rza Cəfərov, 14. Eddi İsrafilov (k), 3. Höccət Haqverdi, 17. Rəhman Hacıyev, 7. Azər Əliyev, 21. İsmayıl Zülfüqarlı, 22. Reziuan Mirzov, 4. Mark Tamaş, 6. Dieqo Valdez, 25. Aaron Olanare, 9. Andre Şinyaşiki

Hakimlər: Kamran Əliyev, Elşad Abdullayev, Teymur Teymurov, Vüqar Həsənli
“Neftçi Arena”