Almaniya Bundesliqasının XVI turunda “Bohum”u 4:0 hesabı ilə məğlub edən “Bayer” rekorda imza atıb. Matc.az xəbər verir ki, Leverkuzen təmsilçisi cari mövsüm bütün turnirlərdə keçirdiyi 25 oyunun heç birində uduzmayıb.

Bu isə Almaniya klubları arasında yeni rekorddu. İndiyə qədər heç bir Almaniya komandası mövsümün startında keçirdiyi ilk 25 görüşü məğlubiyyətsiz tamamlamamışdı – 22 qələbə, 3 heç-heçə.

Bundan başqa, “Bayer” 2023-cü ildə çempionatda keçirdiyi 35 matçın 22-də qalib gələrək, Bundesliqada bir təqvim ilində qazanılan qələbələrin sayına görə klub rekordunu yeniləyib.

Qeyd edək ki, “Bayer” Bundesliqada 16 turdan sonra 42 xalla birinci pillədə qərarlaşıb. Komanda Almaniya Kubokunda 1/4 finala, Avropa Liqasında isə 1/8 finala yüksəlib.