Luis Suares “İnter Mayami” ilə anlaşıb. Matc.az xəbər verir ki, bu barədə italiyalı insayder Fabritsio Romano paylaşım edib.

O bildirib ki, Braziliya klubu “Qremio”dan ayrılan uruqvaylı hücumçu MLS təmsilçisi ilə 1+1 illik müqaviləni razılaşdırıb. Yaxın günlərdə tərəflər rəsmi sözləşməyə qol çəkəcək. Bununla da Luis Suares yenidən Lionel Messi ilə eyni komandada oynayacaq. Cütlük 2014-2020-ci illərdə “Barselona”da çiyin-çiyinə çıxış ediblər.

Qeyd edək ki, Luis Suares 2023 mövsümündə “Qremio”nun heyətində keçirdiyi 33 oyunda 17 qol vurub, 11 məhsuldar ötürmə verib.