“Zirə” Rəşad Sadıqovun rəhbərliyi altında yubiley qələbəsini qazanıb. Bu, Azərbaycan Kubokunun 1/8 final mərhələsində “Turan Tovuz”la keçirilən oyunda yaşanıb. Komandasının 2:1 hesablı qalibiyyətinə sevinən Sadıqov məşqçilik karyerasında 50-ci qələbəsini qazanıb.

“Zirə” Rəşad Sadıqovun rəhbərliyi altında yubiley qələbəsini qazanıb. Matc.az xəbər verir ki, bu, Azərbaycan Kubokunun 1/8 final mərhələsində “Turan Tovuz”la keçirilən oyunda yaşanıb.

Komandasının 2:1 hesablı qalibiyyətinə sevinən Sadıqov məşqçilik karyerasında 50-ci qələbəsini qazanıb. O, bu uğurun hamısına eyni klubda nail olub.

2020-ci ilin yayından “Zirə”ni çalışdıran gənc mütəxəssis 50 qələbəyə 125 görüşdə çatıb. Komanda bunun 26-nı evdə, 24-nü səfərdə əldə edib.

Qeyd edək ki, Rəşad Sadıqov “Zirə”də ilk qələbəsini 2020-21 mövsümünə əldə edib. Bakılılar 2020-ci il sentyabrın 12-də Premyer Liqanın “Səbail”lə səfər oyununda 2:1 hesabı ilə qalib gəlib.