"Bayer" heyətini yeni futbolçu ilə gücləndirmək üzrədir.

Matc.az "Bild" nəşrinə istinadən xəbər verir ki, Leverkuzen təmsilçisi "Herta"da çıxış edən İbrahim Mazanın keçidini həll edib.

"Bayer" əlcəzairli hücumameyilli yarımmüdafiəçi üçün onun klubuna 10 milyon avro ödəyəcək. 19 yaşlı oyunçu yaxın günlərdə yeni klubu ilə müqavilə imzalayacaq.

Qeyd edək ki, İbrahim Maza "Herta"nın yetirməsidir. Əlcəzair millisinin üzvü olan gənc futbolçu bu mövsüm Berlin təmsilçisinin heyətində 2-ci Bundesliqada meydana çıxdığı 29 oyunda 5 qol və 5 assistlə yadda qalıb.