İspaniya La Liqasının XXXV turunda "El-Klasiko" baş tutub.

Matc.az xəbər verir ki, "Barselona" evdə "Real"ı qəbul edib.

Qarşılaşma Kataloniya təmsilçisinin qələbəsi ilə bitib - 4:3. Meydan sahiblərinin heyətində 19-cu dəqiqədə Erik Qarsiya, 32-ci dəqiqədə Lamin Yamal, 34 və 45-ci dəqiqələrdə Rafinya fərqlənib.

Qonaqlarda Kilian Mbappe 5 (pen), 14 və 70-ci dəqiqələrdə adını tabloya yazdırıb.

Qeyd edək ki, sona üç tur qalmış xallarının sayını 82-yə çatdıran "Barselona" liderliyini möhkəmləndirib. Madrid klubu isə 75 xalla ikinci sıradadır.