"Mançester Yunayted"in braziliyalı yarımmüdafiəçisi Mateus Kunya UEFA Çempionlar Liqasında qeyri-adi və unikal bir nailiyyətə imza atıb. Matc.az xəbər verir ki,  turnirin liqa mərhələsinin dördüncü turunda İtaliyanın "Roma" klubuna qarşı keçirilən və 3:2 hesabı ilə başa çatan qarşılaşmada start heyətində yer alan futbolçu oyunun əsas qəhrəmanlarından birinə çevrilib.

Görüşün gedişində Kunya komandası üçün penalti qazanıb (hansı ki, Bruno Fernandeş tərəfindən dəqiq yerinə yetirilib) və 83-cü, eləcə də 86-cı dəqiqələrdə iki qol vurub. Lakin 91-ci dəqiqədə ikinci sarı vərəqəni alaraq meydandan qovulub.

"Opta" statistika portalının məlumatına görə, Mateus Kunya Çempionlar Liqası tarixində eyni oyunda həm penalti qazanan, həm dubl edən (qol vuran), həm də qırmızı vərəqə alaraq meydandan kənarlaşdırılan ilk futbolçu kimi tarixə düşüb.