06 Noyabr 2026, 12:19
FUTBOL

Azərbaycan yığmasının yarımmüdafiəçisi və kapitanı Emin Mahmudov milli komandada karyerasını başa vurmaq qərarına gəlib. Matc.az xəbər verir ki, bu qərar təcrübəli futbolçunun federasiya rəhbərliyi ilə apardığı məsləhətləşmələrdən sonra qəbul olunub.
 
Noyabr toplanışı çərçivəsində Andorra ilə keçiriləcək yoldaşlıq görüşü Mahmudov üçün millidə sonuncu oyunu olacaq.
 
Yarımmüdafiəçi 2016-cı ildən milli komandanın şərəfini qoruyur və yığmanın heyətində 16 qola imza atıb. Bu göstərici ilə o, Qurban Qurbanova məxsus rekordu yeniləyərək Azərbaycan millisi tarixinin ən məhsuldar futbolçusu olub.
 
Azərbaycan millisi noyabr toplanışında iki oyun keçirəcək. Komanda noyabrın 13-də UEFA Millətlər Liqasında Lixtenşteynlə, noyabrın 16-da isə Andorra ilə yoldaşlıq oyununda qarşılaşacaq.

XƏBƏRİ PAYLAŞ
  • gplus
  • pinterest