"Futbolçular çətin oyun şərtində çox önəmli görüşü qazandılar".

Matc.az xəbər verir ki, bu sözləri Misli Premyer Liqasının 6-cı turunda dogma meydanda "Sumqayıt"ı 1:0 hesabı ilə məğlub edən "Zirə"nin baş məşqçisi Rəşad Sadıqov deyib. çalışdırıcı mətbuat konfrasında jurnalistlərin suallarını cavablandırıb.

"Futbolçularıma göstərdikləri əzmkarlığa görə təşəkkür edirəm. çətin oyun şərtində çox önəmli görüşü qazandılar. Sevindirici, qürurverici haldır. Onları bağrıma basıram".

 - Hakimlik barədə nə demək istəyirsiniz?

 - Danışmaq istəmirəm.

 - Komanda 6 həftədən sonra nə qədər hazırdır?

 -  Son ana qədər danışıqlar apardığımız futbolçular var idi. Amma alınmadı. Artıq gerisini qış fasiləsində planlaşdıracağıq. Bu gün futbolçularımın çıxışından çox razı qaldım. Təbii ki, komandada yeni oyunçulara ehtiyac var. Transfer pəncərəsi bağlanıb. Sərbəst futbolçulardan bizi qane edən olsa götürəcəyik. 

 - Hansı mövqe üçün oyunçu istəyirdiniz?

 - Hücumameyilli futbolçu istəyirdim. Hər iki cinahda oynaya bilən futbolçuya da ehtiyacımız var. Danışıqlar apardıq. Amma olmadı.

   - çantakiasın start heyətində olmamasının səbəbi nə idi?

 - çantakias heyətimizdə ən çox oynayan futbolçulardan biridir. Bu gün 100-cü çıxışını etdi.  Onu təbrik edirəm. Ona inanıram. çox güvənirəm. O, mənim üçün əsas heyət oyunçusudur. Heç birinə əvəzedici kimi baxmıram.

- İlkin Muradovun start heyətində oynasında həlledici amil nə idi?

- Bəzən İlkinin ərköyünlüyü olur. Bu olmadığı halda planlarımıza uyğun oyunçudur. Bu gün də çox yaxşı oyun nümayiş etdirdi. Hazırlığı yaxşı səviyyədə idi. Müəyyən problemlər var idi. Onu aramızda həll etdik.

- "Zirə"yə qarşı hər zaman təzyiqlər olur. Yenə də bunu hiss edirsiz?

- Daha çox yaxşı gedəndə bunu hiss edirik. Mən nəsə qərəz olduğuna inanmıram. çünki, bu il hakimlərimiz çox yaxşı performans göstərir. Müəyyən səhvlər yəqin ki, gələcəkdə də olacaq. Hələ qırmızı vərəqə epizoduna baxmamışam. Ona görə də səhv olub-olmadığını dəqiq deyə bilmərəm. Təbii ki, nə iləsə əlaqələndiriləcək. çempionatımızda bu cür epizodlar həddindən çoxdur. İstərdim ki, hakimlərimiz minimum səhv etsinlər. Bütün komandalar böyük həvəslə mövsümə başlayıblar. 10 komandanın hansınısa digərlərindən ayırmaq olmur. Hamı yaxşı mübarizə aparır.