"Mançester Yunayted"in baş məşqçisi Erik ten Haq komandanın mövsümə uğursuz başlamasından danışaraq, futbolçuların meydanda onun tələblərini tam yerinə yetirmədiyini qeyd edib.

Matc.az xəbər verir ki, çalışdırcı bu barədə yerli mətbuata açıqlama verib: "Mövsümün əvvəlindən komandanı itələyitəm. Onlardan tələb edirəm, amma onlar robot deyil, insanlardır. Mən anlamağa çalışıram ki, onlar niyə əməl etmirlər. Mən problemin həlli yollarını tapmağa və oyunçuları öz işlərini görməyə həvəsləndirməyə çalışıram".

Qeyd edək ki, 5 turdan sonra "Mançester Yunayted" turnir cədvəlinin 13-cü pilləsində qərarlaşıb.