Keçən ay Mateu Alemani "Barselona"nın futbol direktoru vəzifəsini tərk etdiyini açıqlamışdı.

Matc.az xəbər verir ki, bu barədə yerli mətbuat məlumat yayıb. May ayında "Aston Villa"ya keçməkdən imtina edib Kataloniya təmsilçisində qalan Alemani "Barselona"nın yeni idman direktoru Deko ilə yaxşı münasibət qura bilmədiyini deyərək ikinci dəfə ayrılıb. Beləliklə, o, hazırda işsizdir. Lakin bu, uzun sürməyə bilər. "Atletiko" Alemaniyə kluba qoşulmaq üçün təklif göndərmək imkanını nəzərdən keçirir. Klubun prezidenti Alemani ilə yaxın münasibətdədir və onu komandaya cəlb etmək üçün bu haldan istifadə edə bilər. Alemaninin təyinatı baş tutsa, o, idman direktoru Andrea Berta ilə birlikdə işləyəcək.