"Barselona"nın baş məşqçisi Xavi Ernandes komandanın yarımmüdafiədə yeni oyunçuya ehtiyacı olduğunu düşünür.

Matc.az xəbər verir ki, noyabrda Kataloniya nəhəngi çarpaz bağın yırtılması səbəbindən mövsümün sonuna qədər yaşıl meydanlardan kənarda qalan Qavini itirmişdi. "Blauqrana"nın çalışdırıcısı qış transfer pəncərəsində 19 yaşlı yarımmüdafiəçini başqa bir futbolçu ilə əvəzləyə biləcəyinə ümid edir. Məşqçi 4 yarımmüdafiəçidən ibarət sistemə qayıtmağı planlaşdırır - bu halda yeni gələn futbolçu, şayiələrə görə, start heyətdə Joao Feliksi əvəzləyəcək.

"Barselona" La Liqa turnir cədvəlində "Real" və "Jirona"dan 7 xal geri qalaraq 3-cü pillədə qərarlaşıb.