İngiltərə Premyer Liqasının XVIII turunda “Arsenal”ın qonağı olan “Liverpul” rəqibi ilə bərabərə qalıb – 1:1. Matc.az xəbər verir ki, artıq 4-cü dəqiqədə hesabda geri düşən “qırmızılar” sonda 1 xal əldə etməyə müvəffəq olub.

“Mersisaydlılar” bununla yeni rekorda imza atıb. Belə ki, “Liverpul” bu mövsüm hesabda geri düşdüyü matçlarda ümumilikdə 19 xal toplamağı bacarıb. Bununla Yurgen Kloppun yetirmələri ən yaxşı geridönüşlər komandası hesab edilir.

“Liverpul” ümumilikdə 5 dəfə hesabda geri düşdüyü görüşdə qələbə qazanıb, 4 qarşılaşmada isə heç-heçə edib. Yalnız bir matçda komanda məğlubiyyətdən qurtula bilməyib.