İngiltərə Premyer Liqasının XVII turunda “Tottenhem”in qonağı olan “Liverpul” 6:3 hesablı qələbə qazanıb. Matc.az xəbər verir ki, “qırmızılar” bununla bütün turnirlərdə məğlubiyyətsiz oyunlar seriyasını 21-ə çatdırıb.

“Mersisaydlılar” son 21 qarşılaşmanın 18-də qələbə qazanıb, 3-də heç-heçə edib. Arno Slotun komandası axırıncı dəfə sentyabrın 14-də “Nottingem Forest”ə (0:1) uduzub.

Qeyd edək ki, “Liverpul” növbəti oyununda “Lester”i qəbul edəcək. Premyer Liqanın XVIII tur matçı dekabrın 26-da keçiriləcək.