Fransa millisinin və “Real Madrid”in ulduzu Kilian Mbappenin zarafatı beynəlxalq qalmaqala səbəb olub. Matc.az xəbər verir ki, futbolçunun keçmiş Çin lideri Mao Tszedunla bağlı səsləndirdiyi fikirlərdən sonra Çində La Liqanın yayımına məhdudiyyət qoyulub.

Hadisə Mbappenin iştirak etdiyi podkast müsahibəsində başlayıb. Futbolçu üzünün Mao Tszedunun şəklinə montaj edildiyi internet memini müzakirə edərkən onu diktatorla əlaqələndirən ifadə işlədib. Bu sözlər Çində ciddi narazılıqla qarşılanıb.

Qalmaqalın böyüməsindən sonra Mbappe açıqlama yayaraq Çin xalqından üzr istəyib. Ardınca “Real Madrid” və La Liqa da üzrxahlıq edib.

Lakin bu, nəticələri aradan qaldırmayıb. Çinin dövlət televiziyası La Liqa oyunlarının yayımını dayandırıb. Bundan başqa, Dongpeng, Mengniu və Shanghai Milkground şirkətləri fransalı futbolçu ilə əməkdaşlığa son qoyublar.

Maraqlıdır ki, məsələ yalnız bir futbolçunun açıqlaması ilə məhdudlaşmayıb. La Liqa rəhbərliyi yaranmış vəziyyətlə bağlı xüsusi böhran qrupu yaradıb və Çin səfiri ilə görüş keçirib.

“Real Madrid”in baş məşqçisi Joze Mourinyo oktyabrın 31-də məsələ ilə bağlı danışaraq klubun və futbolçunun lazımi addımları atdığını bildirib.

Beləliklə, Mbappenin bir zarafatı futbol dünyasında kommersiya və yayım böhranına çevrilib.