Rumıniya çempionatında 21-ci tur başa çatıb. Matc.az xəbər verir ki, turun son görüşündə Avropa Liqasının Liqa mərhələsində “Qarabağ”ın rəqiblərindən olan FCSB “Poli İaşi” klubunun qonağı olub.

Matç qonaqların 2:0 hesablı qalibiyyəti ilə nəticələnib. FCSB-in heyətində hər iki qola Darius Olaru imza atıb.

Bu nəticədən sonra FCSB xallarının sayını 37-yə çatdırıb və “Universitatya Kluj”la birgə 1-2-ci yerləri bölüşdürür.

Qeyd edək ki, FCSB "Qarabağ"la yanvarın 23-də qarşılaşacaq. Görüş Bakıda gerçəkləşəcək.