22 Oktyabr 2026, 17:46
FUTBOL

Lionel Messi həyat yoldaşı Antonela Rokkuzzo ilə birlikdə 2026-cı il “Asturiya Şahzadəsi” İdman Mükafatını almaq üçün İspaniyanın Ovyedo şəhərinə gəlib. Matc.az xəbər verir ki, Argentina millisinin və “İnter Mayami”nin ulduz futbolçusu oktyabrın 22-də Asturiya bölgəsinə çatıb. Onu qarşılamaq üçün otelin qarşısına toplaşan azarkeşlər Messini böyük coşqu ilə salamlayıblar. Futbolçu qısa müddət dayanaraq tərəfdarlarına əl edib və avtoqraflar verib. Onun gəlişi ənənəvi Asturiya musiqisinin — tuluq zurnalarının sədaları altında müşayiət olunub.
Bu axşam Messi Ovyedodakı İdman Sarayında təhsil ictimaiyyətinin nümayəndələri ilə görüşdə iştirak edəcək. Görüş futbolun və bu idman növünün təməl dəyərlərinin təbliğinə həsr olunmuş “On nömrənin oyunu” (El juego del diez) təşəbbüsü çərçivəsində təşkil edilir.
 
Səfər proqramına İspaniya kralı VI Felipe, kraliça Letisiya və digər mükafat laureatlarının iştirakı ilə rəsmi şam yeməyi də daxildir.
 
Mükafatların təqdimetmə mərasimi oktyabrın 23-də, cümə günü, yerli vaxtla saat 18:30-da Ovyedodakı Kampoamor Teatrında keçiriləcək. Messi idman sahəsindəki mükafatını İspaniya taxtının varisi, şahzadə Leonordan qəbul edəcək.
 
 
 

XƏBƏRİ PAYLAŞ
  • gplus
  • pinterest