Azərbaycan Premyer Liqasında XVIII tura yekun vurulur. Matc.az xəbər verir ki, bu gün daha üç oyun keçirilib.

İlk olaraq ötən gündən təxirə salınan “Turan Tovuz” – “Araz-Naxçıvan” görüşü oynanılıb. 81-ci dəqiqədən etibarən davam etdirilən görüşdə tovuzlular 3:1 hesabı ilə qalib gəliblər.

Daha sonra “Neftçi” doğma meydanda "Kəpəz"i qəbul edib. Görüş bakılıların 2:0 hesablı qələbəsi ilə başa çatıb.

Tur “Zirə” - “Qarabağ” qarşılaşması ilə başa çatıb. İlk iki pillədə qərarlaşan komandaların duelini Ağdam təmsilçisi 1:0 hesabı ilə qazanıb.

Qeyd edək ki, turun əvvəlki matçlarında “Qəbələ” “Sabah”ı, “Sumqayıt” “Səbail”i 1:0 hesabı ilə məğlub edib.

Premyer Liqa

XVIII

24 dekabr

12:00. Turan Tovuz” – “Araz-Naxçıvan” - 3:1

Qollar: Xəyal Nəcəfov, 5, Bruno Qonçalves, 16, Ayxan Quseynov, 89 - İsmail Azzaui, 58 (pen.)

Hakimlər: Rəvan Həmzəzadə, Vüsal Məmmədov, Eyyub İbrahimov, Emin Əliyev

Tovuz şəhər stadionu

16:00. “Neftçi” – “Kəpəz” 2:0 

Qol: Azər Salahlı, 8, Şinyaşiki, 71

Hakimlər: Fərid Hacıyev, Rahil Ramazanov, Şirmamed Mamedov, Əli Əliyev

“Neftçi Arena”

18:30. “Zirə” – “Qarabağ” 0:1 

Qol: Juninyo, 30

Hakimlər: Cavid Cəlilov, Kamran Bayramov, Cəmil Quliyev, Kamranbəy Rəhimov

Zirə İdman Kompleksinin stadionu