Azərbaycan Premyer Liqasının XVIII turunda “Səbail”lə keçirilən oyun “Sumqayıt” üçün əlamətdar olub. “Gənclik şəhəri” təmsilçisi yubiley qələbəsini əldə edib. Rəqibini 1:0 hesabı ilə məğlub edən komanda Premyer Liqada 100-cü qalibiyyətini qazanıb.

Azərbaycan Premyer Liqasının XVIII turunda “Səbail”lə keçirilən oyun “Sumqayıt” üçün əlamətdar olub. Matc.az xəbər verir ki, “gənclik şəhəri” təmsilçisi yubiley qələbəsini əldə edib.

Belə ki, rəqibini 1:0 hesabı ilə məğlub edən komanda Premyer Liqada 100-cü qalibiyyətini qazanıb. “Sumqayıt” buna çatmaq üçün 382 görüş keçirib. Komanda 2011-ci ildən bəri ölkə çempionatında 62 dəfə evdə, 38 dəfə səfərdə üç xal qazanıb.

“Sumqayıt”ın ilk qələbəsi 2011-12 mövsümünə təsadüf edib. Şəhərin eyniadlı komandası 2011-ci il oktyabrın 30-da AZAL-ı evdə 2:1 hesabı ilə üstələyib.

Qeyd edək ki, “Sumqayıt” Azərbaycan çempionatları tarixində 100 və daha çox qələbə qazanan 12-ci komandadı.