PSJ yeni transferə hazırlaşır. Matc.az xəbər verir ki, “Korintians”ın yarımmüdafiəçisi Qabriel Moskardo Fransa klubuna keçəcək.

Tanınmış insayder Nikolo Skiranın paylaşımında tərəflər arasında anlaşmanın əldə olunduğu yazılıb. Fransa çempionu 18 yaşlı futbolçunun transferi üçün 22 milyon avro xərc çəkəcək.

Paytaxt təmsilçisi oyunçunun nümayəndələri ilə müqavilənin şəxsi detallarını da razılaşdırıb. Tezliklə rəsmi açıqlama veriləcək.

Qeyd edək ki, Qabriel Moskardo bu mövsüm “Korintians”ın heyətində bütün turnirlərdə 22 oyun keçirib.