Argentina Futbol Assosiasiyasının (AFA) prezidenti Klaudio Tapia bildirib ki, Lionel Messi milli komandadan ayrıldıqdan sonra onun formasının nömrəsi silinəcək.

Matc.az xəbər verir ki, 36 yaşlı Messi milli komandada 10 nömrə altında çıxış edir. Klub rəsmisi açıqlamasında deyib: “Messi milli komandadan gedəndə ondan sonra heç kim 10 nömrə geyinməyəcək. Bu nömrə onun şərəfinə həmişəlik təqaüdə çıxacaq. Bu, onun üçün edə biləcəyimiz ən az şeydir”.

Qeyd edək ki, Messi 2005-ci ildən Argentina millisində çıxış edir. O, 180 oyun keçirib və 106 qol vurub. Lionel 2022-ci ildə dünya çempionu olub və 2021-ci ildə Amerika Kubokunun qalibi olub.