“Yuventus" və "Napoli" "Şaxtyor"un yarımmüdafiəçisi Georgi Sudakovun transferində maraqlıdır.

Matc.az xəbər verir ki, bu barədə yerli mətbuat məlumat yayıb. İtaliya klubları artıq ukraynalılarla danışıqlar aparır. Mənbənin bildirdiyinə görə, İtaliya klublarından biri artıq futbolçu üçün 35 milyon avro təklif edib. Lakin hansı klub olduğu göstərilməyib.

Qeyd edək ki, bu mövsüm yarımmüdafiəçi "Şaxtyor"un heyətində 18 oyunda 3 qol (Çempionlar Liqasında "Barselona"ya qarşı da daxil olmaqla) və 1 məhsuldar ötürmə edib.