Vilmar Barrios qış transfer pəncərəsində "Boka Xuniors"a keçə bilər.

Matc.az xəbər verir ki, bu barədə yerli mətbuat məlumat yayıb. Buenos-Ayres klubuna kolumbiyalının xidməti təklif olunub. Eyni zamanda, “Boka Xuniors"un özü hələ də futbolçunun transferi ilə bağlı heç bir addım atmayıb.

Mənbə yazır ki, Barriosun "Boka Xuniors"a mümkün transferi ilə bağlı xəbərlər yaxın saatlarda ortaya çıxa bilər.

Qeyd edək ki, yarımmüdafiəçi 2019-cu ilin fevralında 15 milyon avroya "Boka"dan "Zenit"ə keçib. Onun müqaviləsi 30 iyun 2027-ci ilə qədərdir. "Transfermarkt" 30 yaşlı futbolçunun dəyərini 14 milyon avro olaraq qiymətləndirir.