“Milan” “Verona”nın müdafiəçisi Filippo Terraççanonu transfer edib. Matc.az xəbər verir ki, “rossonyerlər” keçidi rəsmən açıqlayıb.

20 yaşlı sağ cinah yarımmüdafiəçisi A seriyası təmsilçisi ilə 2028-ci ilə qədər müqavilə imzalayıb. “Milan”ın bu transfer üçün nə qədər xərcə düşdüyü də müəyyənləşib. Transfer “Verona”ya 4,5 milyon avro qazandırıb. Futbolçunun performansına görə, adıçəkilən komanda daha 1 milyon avro bonus əldə edəcək.

Qeyd edək ki, Filippo Terraççano bu mövsüm A seriyasında keçirdiyi 18 oyunda 1 məhsuldar ötürmə verib.