"Yuventus" Portuqaliyanın "Vitoria" klubundan Alberto Koştanı transfer edib. 

Matc.az xəbər verir ki, bu barədə İtaliya klubunun mətbuat xidməti məlumat yayıb. 

21 yaşlı sağ cinah müdafiəçisi üçün 12.5 + 2.5 milyon avro məbləğində təzminat ödənilib. Turin təmsilçisi onunla 2029-cu ilin yayına qədər müqavilə imzalayıb. 

Qeyd edək ki, Alberto Koşta bu mövsüm Portuqaliyanın "Vitoria" klubunun heyətində 21 oyuna çıxaraq 1 qol vurub və 3 məhsuldar ötürmə edib.