"Mançester Siti" "Yuventus"un 24 yaşlı sol cinah müdafiəçisi Andrea Kambiaso üçün 60-65 milyon avroluq təklif hazırlayır.

Matc.az xəbər verir ki, bu barədə məlumatı jurnalist Canluka Di Marsio öz rəsmi saytında paylaşıb.

Bildirilir ki, Turin klubu Kambiasonun satışından daha yüksək məbləğ almaq istəyir. "Mançester Siti" italyan futbolçuya 5+1 illik müqavilə təklif etməyə hazırlaşır.

Qeyd edək ki, Kambiaso bu mövsüm bütün turnirlərdə 25 oyun keçirib, 2 qol vurub və 2 məhsuldar ötürmə edib.

24 yaşlı müdafiəçinin klubla hazırkı müqaviləsi 2029-cu ilin yayına kimi nəzərdə tutulub. "Transfermarkt" portalında futbolçunun bazar dəyəri 40 milyon avrodur.