"Mançester Siti" 25 yaşlı hücumçu Ömər Marmuşun transferi üçün Frankfurt "Ayntraxt"ı ilə yekun razılığa gəlib.

Matc.az xəbər verir ki, bu barədə məlumatı insayder Fabrisio Romano paylaşıb.

Bildirilir ki, ingilis klubu misirli futbolçu ilə 5 illik müqaviləyə razılaşıb.

Qeyd edək ki, Marmuş bu mövsüm bütün turnirlərdə 25 oyun keçirib, 19 qol vurub və 12 məhsuldar ötürmə edib.

25 yaşlı hücumçu klubla müqaviləsi 2027-ci ilin yayına kimi nəzərdə tutulub. "Transfermarkt" internet portalında futbolçunun dəyəri 60 milyon avrodur.