Braziliya yığmasının futbolçusu Neymar maraqlı açıqlama verib. Matc.az xəbər verir ki, o, sabiq komanda yoldaşı Kilian Mbappe haqda danışıb.

Neymar PSJ-də bir yerdə oynadığı Mbappe ilə fikir ayrılığı yaşadığını etiraf edib. Hazırda “Əl-Hilal”ın formasını geyinən “sambaçı” vaxtilə Kilianla bəzi problemlərinin olduğunu qeyd edib: “Əvvəlcə münasibətimiz yaxşı deyildi, hətta mübahisə etmişdik. Sonra Mbappe evimə gəldi və birlikdə nahar etdik. Bundan sonra hər şey qaydasına düşsə də, Lionel Messinin gəlişindən sonra vəziyyət dəyişdi. Çünki Kilian Leonu qısqanmağa başladı. Buna görə də yenidən aramızda mübahisələr başladı”.

Qeyd edək ki, Neymar 2017-2023-cü illərdə PSJ-nin formasını geyinib.