“Real”ın baş məşqçisi Karlo Ançelotti komandanın türkiyəli futbolçusu Arda Güləri tərifləyib. Matc.az xəbər verir ki, o, Gülərin İspaniya Kubokunun yarımfinal mərhələsinin “Real Sosyedad”la keçirilən ilk matçındakı performansından razı qalıb.

Təcrübəli mütəxəssis Ardanın əla iş gördüyünü bildirib: “Çox gərgin görüş idi. Arda ​​bu oyunda əla iş gördü. Onun kimi, biz də xoşbəxt olmalıyıq”.

Qeyd edək ki, Arda cari mövsümdə ümumilikdə 28 oyunda 3 qol və 5 assistə imza atıb.