Azərbaycan millisinin hücumçusu Mahir Emrelinin Zaqreb “Dinamo”sundakı karyerası uzun sürməyəcək. Matc.az Xorvatiya mətbuatına istinadən məlumatına görə, forvard rəhbərliyin transferə çıxardığı siyahıya düşüb.

Baş məşqçi Sergey Yakiroviç öz fəlsəfəsinə uyğun heyət qurmaq fikrindədi. Bosniya və herseqovinalı mütəxəssis bir neçə oyunçunun onun sisteminə uyğun olmadığını düşünür. Çalışdırıcının sərəncamında görmək istəmədiyi oyunçulardan biri də məhz Emrelidi. Onun ya qış fasiləsində, ya da mövsümün sonunda komandasını dəyişməsi gözlənilir. Rəhbərlik baş məşqçinin “qara siyahı”sında yer alan futbolçulara yeni komanda axtarışındadı.

Qeyd edək ki, Mahir Emrelinin “Dinamo” ilə müqavilə müddəti 2026-cı ilin yayına qədərdir.