"Mançester Siti"nin futbolçusu Qrealiş evi oğurlandıqdan sonra emosional mesaj yazıb.

Matc.az xəbər verir ki, "Mançester Siti"nin və İngiltərə millisinin yarımmüdafiəçisi Cek Qriliş etiraf edib ki, Çeşirdəki ev oğurluğundan sonra hələ də özünə gələ bilmir. Oğurluq dekabrın 27-də Premyer Liqanın 19-cu turu çərçivəsində "Mançester Siti"nin "Everton"la oyunu zamanı baş verib. Həmin an malikanədə 28 yaşlı futbolçunun ailəsi olub. Cinayətkarlar 1 milyon funt-sterlinq dəyərində olan qiymətli əşyaları oğurlayıblar.

Futbolçu açıqlamasında deyib: "Bir neçə gün əvvəl evimdə baş verən quldurluqdan necə məyus olduğumu ifadə edə bilmərəm. Ailəm mənim üçün hər şey deməkdir. Onların təhlükəsizliyindən daha vacib heç nə yoxdur. Bu, hamımız üçün travmatik bir təcrübə idi. Heç kimin zərər görmədiyinə şadam. Keçən il ərzində çox gözəl nailiyyətlər və təcrübələr əldə etmişəm. Amma düzünü desəm, futbol karyeramın ən yaxşı ili indi qeyd edə biləcəyim bir şey kimi hiss etmir. Bu dəhşətli cinayətləri törədən insanlar onların insanların həyatına vurduğu zərərdən xəbərsizdirlər. Ümid edirəm ki, onlar tapılıb ədalət qarşısında cavab verəcəklər ki, bizim yaşadıqlarımızı başqa heç bir ailə yaşamasın. Hər kəsdən gələn mesajları və dostlarımın, komanda yoldaşlarımın və klubun dəstəyini yüksək qiymətləndirirəm. Daha müsbət bir qeyd olaraq, il ərzində göstərdikləri dəstəyə görə hər kəsə təşəkkür etmək istərdim. Sizə və ailənizə xoşbəxt 2024-cü il arzulayıram”.