"Mançester Siti"nin və İspaniya millisinin yarımmüdafiəçisi Rodri 2023-cü ildə "Qızıl top"un nəticələrindən danışıb.

Matc.az xəbər verir ki, 27 yaşlı yarımmüdafiəçi səsvermədə yalnız Lionel Messi, Erlinq Haaland, Kilian Mbappe və Kevin De Bruynedən geri qalaraq 5-ci yeri tutub. Oyunçu açıqlamasında deyib: “Mən fəxr edirəm. Ancaq fərdi mükafatlar təkcə sizdən asılı deyil. Komandanızın nailiyyətlərinə təsir edə bilərsiniz. İlk beşliyə düşmək və belə bir mühitdə olmaq artıq tərifə layiqdir. Səsvermədə 30 finalçı arasında ölkəmi təmsil etməkdən qürur duyuram. Ümid edirəm ki, gələn il bizdən daha çox olacaq. Bu o deməkdir ki, işimiz yaxşı gedir. Necə deyərlər, fanilər arasında birinci olmuşam. Hazırda futbolun səviyyəsi çox yüksəkdir. Argentina Dünya Kubokunu qazandı. Buna görə də Messi bu mükafata layiq idi. Mbappe və Haalanda gəlincə, bunlar hər mövsümdə 40-50 qol vuran insanlardır".