“Mançester Yunayted”in müdafiəçisi Rafael Varan karyerasını Səudiyyə Ərəbistanında davam etdirə bilər. Matc.az xəbər verir ki, fransalı futbolçu ilə “Əl-Nəsr” və “Əl-İttihad” klubları maraqlanır.

“Qırmızı şeytanlar” daha öncə Varanla maaşın azaldılmasını müzakirə etmək üçün onunla müqavilənin uzadılması variantını aktivləşdirməyəcəyini açıqlamışdı. Ulduz futbolçu özü də komandada qalmaqda maraqlı deyil.

Qeyd edək ki, Rafael Varan “Mançester Yunayted”ə 2021-ci ilin yayında 40 milyon avro qarşılığında “Real”dan keçib.